Thibaut Courtois ka qenë një nga protagonistët absolutë të sukseseve të fundit të Real Madridit. Pavarësisht dëmtimit të rëndë në gju që e mbajti larg fushës për disa muaj, portieri belg është rikthyer në formën e tij më të mirë, duke u konfirmuar si një lojtar kyç në ekip.
Nuk ka dyshime, klubi Merengues dëshiron të vazhdojë të mbështetet tek ai për të ardhmen.
Sipas gazetarit Fabrizio Romano, Courtois është gati të rinovojë kontratën e tij me Los Blancos për dy sezone të tjera.
Ndërsa presim të kuptojmë se kush do të jetë portieri i dytë, belgu tashmë ka dhënë pëlqimin e tij për rinovimin.
Marrëveshja është e afërt dhe do t’i lejojë Real Madridit të sigurojë portën e tyre, me atë që shumë e konsiderojnë si më të mirin në botë.